कवितेची उंची,खोली आणि रूंदी

प्रत्येक कवितेला असते
उंची, खोली आणि रुंदीही

आपल्या कवितेइतकी
उंची असणारे कवी
किंवा आपल्या उंचीइतकी
कविता लिहिणारे कवी क्वचितच भेटतात

खोली असणाऱ्या कविता
घर करतात मनात
उथळ अशाच जातात वाहात वाऱ्यावर फुसक्या ढगांसारख्या

रूंद कविता असतात
शिंपल्यातले मोती  अनमोल
खुज्या टरफलासारख्या शेंगेच्या

उंच, खोल आणि रूंद
कवितेच्या शोधात
अजूनही वावरतो आत्मा
द्याल ना अशी एखादी
कविता हृदयापासून
हृदयापर्यंत झिरपणारी

.                   *रमेश*