मित्रहो

मित्रहो!
नाही माझा विश्वास देवावर
पण माणसांतल्या देवत्वावर
नक्कीच आहे
म्हणून
तुम्ही माझ्यासाठी
जे काही चिंतता
व पाठवता
ते चांगलेच असणार
या माझ्या दृढविश्वासाला
नेहमीच दुजोरा मिळत गेला
तेव्हापासून माझ्याही अंगावर मूठमूठ मांस चढत गेलं.

मुळीच फिकिर नको
पुनर्जन्मावर तसाच
कोणत्या झाडाला सात फेरे घालून पुढील सात जन्मात मिळतील हेच मित्र यावर माझा विश्वास नाही
तरीही
तुमच्या आठवणींसाठी
प्रत्येक वर्षी मी लावणार आहे माझ्या शेताच्या बांधावर सात-सात झाडे.
ती हमखास सावली देतील
वार्धक्याच्या काळी
आणि फुलं- फळं
आपणा सर्वांची
प्रेमळ याद !

.        *रमेश*