संतसंग

*संतसंग*

संतसंगतीचा। महिमा अपार॥
करी दु:ख  दूर ॥। भवताप ॥१॥

संतमायबाप। शीतल चंदन ॥
करावे वंदन॥। तयालागी ॥२॥

संतचरणाची। काय वाणू कीर्ती॥
उभी प्रेममूर्ती ॥। चक्षूंपुढे॥३॥

दया क्षमा शांती । संतजनांपाशी॥
चारोधाम काशी ।॥ अन्य नाही ॥४॥

शीतल चांदणे। हृदय संतांचे॥
दु:खी पिडीतांचे ॥। नीजस्थान॥५॥

संतकृपा होता । 'मी'पणा गळतो॥
आणिक कळतो ।॥ परमार्थ॥६॥

सत्व रज तम। गुणांची पारख॥
मूढाशी कारक ॥। उपरती ॥७॥

संतवाणी दूग्ध। स्वर्गीचे अमृत ॥
सेवी तो जागृत ॥। होई जगी॥८॥

संताशी शरण । जाई एक वेळ ॥
अद्वैताचा खेळ ॥। नामशेष ॥९॥

*चंदन* झिजता। देहभान हरे॥
सुगंधाने भरे ॥। आसमंत ॥१०॥

चंद्रकांत निकाडे *'चंदन'*