बासरी

नाही कळली बापा हालत सासरी होती कशी
कान्हा असुनी नाही जाणत  बासरी होती कशी

झाडे थकली तीही गारद झाली उसणी छाया
आली नकली मोठी आफत भासरी होती कशी

वादा करिता वाया गेली सारी जिंदगी फुका
जो तो म्हणतो आता मजला पासरी होती कशी

काटा रुतला पायी तेव्हा ऊठल्या नाना कळा
काया दुखरी झाल्या वरही हासरी होती कशी

गाठी कचल्या माना मोडत जाचक वाटा वनी
सारे छळती ती मग सोसत कासरी होती कशी

देई लंगडी दाना आपण आणखी दोषा जरी
आता कोणी पाही ती भर वासरी होती कशी