कालच्या पावसात
कालच्या पावसात ढासळलेली
मागची भिंत रचायला
दगड उचलताना
बापाच्या हाताला
उठलेले फोड
आई गरम भाताच्या
पातेल्यावर शेकत होती
बापाच्या हाताचे फोड जिरतील तसा
आईचा चेहरा उजळत होता.
बापाच्याआधी
माझे डोळे पाणावले.
मी पुढे जाऊन
दोघांचे पाय चेपायला सुरवात केली.
आई म्हणाली,"बाळा, तुझा तू अभ्यास कर. जा."
बाप नुसताच माझ्याकडं बघत होता.
भरल्या डोळ्यांनी
नव्या स्वप्नात जगत होता
. रमेश कुरलीकर
No comments:
Post a Comment